|
Bulle
de confirmation des possessions de l'Abbaye
(14 mars 1179)
(AASM CHA 2/1/9~1)
Transcription
par Remo BECCI
Alexander, episcopus, servus servorum Dei, dilectis filiis, WlLLELMO,
abbati ecclesie Sancti Mauricii Agaunensis, ejusque fratribus tam
presentibus quam futuris regulariter substituendis, IN PERPETUUM.
Cum simus ad curam et regimen Universalis Ecclesie licet immeriti
Providentia Superne dispositionis assumpti, si quando postulatur
a nobis que ad tuitionem ecclesiarum pertineant petentium desideriis
clementer convenit condescendere et eorum vota effectu prosequente
complere. Eapropter, dilecti in Domino filii, vestris justis postulationibus
clementer annuimus et beati Mauricii ecclesiam que juris et proprietatis
beati Petri esse cognoscitur, in qua secundum beati Augustini regulam
apostolicam vitam gerentes, divino vacatis servitio, ad exemplar
patris et predecessoris nostri sancte recordationis INNOCENTII pape
apostolice sedis privilegio communimus. Statuentes ut quascumque
possessiones, quecumque bona eadem ecclesia in presentiarum juste
et canonice possidet aut in futurum, concessione pontificum, largitione
regum vel principum, oblatione fidelium seu aliis justis modis prestante
Domino, poterit adipisci, firma vobis vestrisque successoribus et
illibata permaneant. In quibus hec propriis duximus exprimenda vocabulis
: locum ipsum in quo prefata ecclesia constructa est cum omnibus
pertinentiis suis, ecclesiam Sancti Sigismundi et ecclesiam Sancti
Laurentii et Sancte Marie et hospitale Sancti Jacobi, que in villa
ejusdem ecclesie Sancti Mauricii site sunt, cum omnibus ad easdem
ecclesias et hospitale pertinentibus, ecclesiam de Sinemuro cum
appendiciis suis, ecclesiam de Anonglaz cum appendiciis suis, ecclesiam
de Communiaco cum appendiciis suis, ecclesiam de Massungiaco cum
appendiciis suis, ecclesiam de Biole cum appendiciis suis, ecclesiam
Sancti Michaelis de Tarentasia cum appendiciis suis, ecclesiam de
Salino quod est in Tarentasia cum appendiciis suis, ecclesiam de
Latuelli cum appendiciis suis, ecclesiam de Fessun cum appendiciis
suis, domum de Ponte Alwen cum appendiciis suis, ecclesiam de Alio
que vocatur Sanctus Mauricius cum appendiciis suis, ecclesiam de
Oluns cum appendiciis suis, ecclesiam de Ottanne cum appendiciis
suis, ecclesiam de Vertro cum appendiciis suis, ecclesiam de Contez
cum appendiciis suis, ecclesiam de Choiz cum appendiciis suis, ecclesiam
de Bagnes cum appendiciis suis, ecclesiam de Villezo cum appendiciis
suis. Preterea debitam libertatem a predecessoribus nostris eidem
ecclesie concessam nos quoque auctoritate apostolica nichilominus
confirmamus, ut videlicet ecclesia ipsa cum cellis ad eam pertinentibus
solummodo Romano pontifici sit subjecta, nec alicui omnino quamlibet
dominationem aut exactionem in eisdem locis liceat exercere. Sancimus
etiam ut nullus in eis nisi regularem vitam professus canonicus
aliquando subrogetur aut qualibet astutia intrudatur. Decernimus
ergo ut nulli omnino hominum liceat prefatam ecclesiam temere perturbare
aut ejus possessiones auferre, vel ablatas retinere, minuere seu
quibuslibet vexationibus fatigare, sed omnia integra et illibata
serventur, eorum pro quorum gubematione ac sustentatione concessa
sunt usibus omnimodis profutura, salva sedis apostolice auctoritate.
Si qua igitur in futurum ecclesiastica secularisve persona hanc
nostre constitutionis paginam sciens, contra eam temere venire temptaverit,
secundo, tertiove commonita, nisi reatum suum digna satisfactione
correxerit, potestatis honorisque sui dignitate careat reamque se
divino judicio existere de perpetrata iniquitate cognoscat et a
sacratissimo corpore ac sanguine Dei et Domini Redemptoris Nostri
Jesu Christi aliena fiat atque in extremo examine districte ultioni
subjaceat. Cunctis autem eidem loco sua jura servantibus sit pax
Domini Nostri Jesu Christi, quatinus et hic fructum bone actionis
percipiant et apud districtum Judicem premia eterne pacis inveniant.
AMEN. AMEN. AMEN.
|
(Rota) Ego Alexander, catholice Ecclesie episcopus,
subscripsi (Benevalete)
(crux) Ego Hubaldus, Hostiensis episcopus, subscripsi |
(crux) Ego Johannes, presbiter cardinalis Sanctorum Johannis et
Pauli titulo Pamachii, subscripsi
(crux) Ego Johannes, presbiter cardinalis titulo Sancti Marci, subscripsi
(crux) Ego Theodinus, presbiter cardinalis Sancti Vitalis titulo
Vestine, subscripsi
(crux) Ego Petrus, presbiter cardinalis titulo Susanne Sancte, subscripsi
(crux) Ego Vivianus, presbiter cardinalis titulo Sancti Stephani
in Celio Monte, subscripsi
|
(crux) Ego Jacobus, Sancte Marie in Cosmidyn diaconus
cardinalis, subscripsi
(crux) Ego Ardicio, diaconus cardinalis Sancti Theodori, subscripsi
(crux) Ego Rainerius, diaconus cardinalis Sancti Georgii ad
Velum aureum subscripsi
(crux) Ego Gratianus, diaconus cardinalis Sanctorum Cosme et
Damiani, subscripsi
(crux) Ego Raynerius, diaconus cardinalis Sancti Adriani, subscripsi
|
Datum Laterani, per manum Alberti, Sancte Romane Ecclesie presbiteri
cardinalis et cancellarii, II idus martii, indictione XIIa, incarnationis
Dominice anno M° C° LXXVIII°, pontificatus vero domini
ALEXANDRI pape III anno ejus XX°.
Mentions hors teneur, au revers:
Privilegium ecclesiarum nostrarum.
Mentions dorsales :
D'une main de la chancellerie pontificale : Privilegium
ecclesiarum nostrarum.
Au bas de l'acte, d'une main du XlVe s. : ad monasterium
pertinen...
Au bas de l'acte, d'une main du XIII-XIVe s. : Alexander
III.
D'une main du XVIIe s. : Descriptum est in bullario f...
[la suite est effacée] .
Cote XVIIe s. non identifiée : 2° et 22° Retour au sommet de la page
|