Consortage des Jeurs

Les Jeurs/Trient 19 (19-5)

Échange de terres entre Pierre Chapot, fils de feu Jean Chapot des Jeurs, et Michel Chapot, fils de feu Jacques Chappot des Jeurs, le 17 novembre 1586.

1586, 17 novembre. — Martigny-bourg, in burgo Martigniaci

Pierre Chapot des Jeurs, fils de feu Jean Chapot, et Michel Chapot des Jeurs, fils de feu Jacques Chapot, échangent des terres sises aux Jeurs. L´acte est reçu par le notaire Jean Paris le jeune, en présence de son père Jean Paris l´ancien, notaire, de Pierre Jalthier, notaire, et d´Antoine des Rappes, fils de feu noble Jean Falquer seigneur des Rappes.

B. Copie sur papier. Cf. régeste dans Les Jeurs/Trient 18. Cote ancienne A. C. Sion « C. 5 ». Les Jeurs/Trient 19, p. 13-15.

[p. 13] In nomine domini Jesu amen. Anno a Nativitate ejusdem anni millesimo quingentesimo octogesimo sexto inditione quatuordecima et die decima septima mensis novembris, in mei notarii publici et testium subscriptorum praesentia, personaliter ibidem fuerunt constituti Petrus filius quondam Joannis Chappot de Joriis de Joriis (sic) parrochiae Martiniaci ex una parte, et Michael filius quondam Jacobi Chappot eorundem loci et parrochiae ex altera parte.

Quae quidem partes, nullis vi dolo neque metu ad haec inductae, sed scientes gratis et spontae ut asserunt motae, pro se et suis heredibus universis, et faciunt inter se ad invicem permutationes et excanbia de suis rebus subscriptis perpetue diventata in hunc qui sequitur modum.

Et primo idem Petrus Chappotz gratis et sponte motus pro se et suis praedictis dat tradit et remittit in excambium perpetuum seu permutationem eidem Michaeli Chappot ibidem praesenti stipulanti et recipienti pro se et suis praedictis, videlicet res subscriptas.

Primo omnem praevalentiam ab omni rachetum quam et quod idem idem (sic) Petrus Chappot habet habereque potest requirere, et ad ipsum pertinere potest et debet virtute instrumenti racheti infra proxime designati in et super rebus et bonis subscriptis.

Primo super una petia campi una cum rascardo intro existenti sitis in Joriis territorii Martiniaci juxta saxum inferius, campum haeredum Francisci Boson a borrea, vionum superius, pratum et campum ejusdem Michaelis Chappot a vento.

Item super una petia prati et campi una cum meysonamentis et aedificiis intro existentibus sitis loco dicto ouz Tacquit justa saxa superius et inferius, terram ejusdem Michaelis Chappot et haeredum Francisci Boson a borrea, et terram ejusdem Michaelis a vento.

Item super una petia campi sita loco dicto en loz barmoz juxta pratum haeredum Claudii Cretton inferius, terram dicti Michaelis Chappot a vento, terram Francisci Boson a borrea, et carreriam superius.

Item super una petia campi sita ibidem juxta carreriam superius et terram ejusdem Michaelis Cappot (sic) ab alliis partibus.

Item super duobus casalibus sitis ibidem en loz Barmoz juxta bona ejusdem Michaelis Cappotz (sic) ab omnibus partibus, quae bona superius confinata, una cum quaedam alia petia prati et campi sita loco dicto ouz Planetz de Tacquit hic non conpraehensa sed exclusa.

Idem Petrus Chappotz (sic) prius vendiderat et remictat eidem Michaeli Chapportz (sic) sub gratia reacheti nondum ellapsi praetio quatuordecim viginti et decem florenorum parvi ponderis semel constantibus publiciiis et venditionis et dicti reacheti instrumentis manu mis dicti notarii sub anno proxime ellapso, et die nona mensis decembris receptis et licet in hujusmodi excambio comprehendantur nonnulla maysonamenta et aedificia existentia intra petiam prati et campi sitam auz Tacquit, quae non erant conprehensa in praedesignatis venditionis et reacheti instrumentis, attamen nunc ipse ambae partes et potissimae.

idem Petrus Chappotz (sic) volunt et jubent eodem meisonamenta et aedificia esse eo pacto vendita, et huic presenti concambio adscripta prout vendita et annexa sunt caetera bona in praedictis instrumentis designata.

Item magis idem Petrus remittit eidem Michaeli Chapportz (sic) omnem praevalentiam ac omne reachetum quam et quod virtute unius alterius instrumenti reacheti infra designati habet habere potere requirere et ad ipsum pertinere potest et debet in et super rebus et bonis subscriptis.

Primo super una petia prati et campi [p. 14] in eodem loco Joriarum loco dicto in prato du Nex juxta pratum Jacquemae uxoris Joannis filii Petri de Ponte superius, pratum Joannis filii Joannis Deponte a borrea, pratum Joannis Cretton a vento, et loz Crettoz inferius.

Item una petia prati sita loco dicto es crives dessouz juxta terram Joannis filii Joannis de Ponte a vento, loz Cretoz superius et inferius, et terram haeredum Francisci Boson a borrea.

Item super una petia campi cum grangia intro existente sita in eodem loco Joriarum juxta terram Jacquemae relictae Jacobi Vullioz inferius et a vento, terram Joannis fillii quondam Claudii Cretton superius, domum haeredum Francisci Boson et terram ejusdem Michaelis Chappot equidem a vento.

Quae quidem bona ultimo designata similiter idem Petrus Chappotz (sic) priguendum erat eidem Michaeli praetio centum florenorum parvi ponderis monetae praedictae semel gratia reacheti nondum lapsi ut constat publicis venditionis ac dicti reacheti instrumentis manu mis dicti notarii sub anno praesenti et vigesima septima mensis Jannuarii receptis quae reachetorum instrumenta in quantum pro eodem Petro Chappot facere possunt sint ex nunc perpetue nulla et invallida ac si nunquam facta fuissent in nobis minutis, et allibi.

Item magis idem Petrus remittit in excambium perpetuum eidem Michaeli : videlicet unam petiam prati una cum grangia intro existente sitam in Joriis loco dicto en la Groubaz juxta terram dicti Michaelis Chappotz (sic) inferius et ab occidente, terram heredum Anthonii Allamandi ab oriente, terram Joannetae uxoris Joannis filii Claudii Cretton superius.

Item unam petiam terrae sitam loco dicto in Pulchra Comba superiori juxta terram Joannetae uxoris Jacobi Boson junioris ab occidente, et superius terram dictae Joannetae uxoris Joannis filii Claudii Cretton a borrea, et saxum inferius, cum suis alliis verioribus confinibus si qui sint fundique juribus pertinentiis appendentiis ingressibus egressibus honoribusque et oneribus desuper debitis cui vel quibus legitime deberi reperientur per eundem Michaelem et suos perpetue persolvendis suis universis.

Et vice versa in praemissorum recompensam idem Michael Chappotz (sic) gratis et sponte pro se et suis praedictis solvit coedit quictat et remitit perpetue per praesentes in excambium perpetuum seu permutationem eidem Petro Chappotz (sic) ibidem praesenti conpermuttanti stipulanti et recipienti pro se et suis praedictis :

videlicet unam petiam vineae sitam in vineto Martiniaci loco dicto en lescotin juxta vineam Petri Rolland a parte Forclae, vineam discreti viri Claudii Piamont notarii a parte castri novi.

Cum suis alliis verioribus confinibus si qui sint fundoque juribus pertinentiis appendentiis ingressibus et egressibus suis universis

Pro qua honoribus et oneribus desuper debitis, cui vel quibus legitime deberi reperientur ex nunc perpetue per eundem Petrum et suos persolvendis et supportandis.

Et quia bona per eundem Petrum Chappot eidem Michaeli superius remissa praevalent et majoris sunt praetii quam petiae vineae de lescotint ??? nunc ultumatatim per eundem Michaelem remissa [p. 15] Ebideo pro illa praevalentia idem Michael Chappot turnat et refundit per praesentes eidem Petro praesenti et recipienti :

videlicet quatercentum et quinquaginta florenos parvi ponderis monetae Sabaudiae semel quos idem Petrus confitur habuisse et recipisse, et quibus idem Petrus eundem Michaelem et suos soluit perpetue et quictat per praesentes cum pacto expresso faciendo de non ulterius quidquam plus petendo in futurum.

Devestientes se et suos dictae partes quaelibet ipsarum de rebus et bonis alteri earundem in excambium traditis, et se invicem una alteram et econtra de eisdem investientes praesentium tenore ac tradictione unius calami scriptoris ut moris est ad habendum intrandum tenendum et perpetue per quamlibet ipsarum partium res et bona sibi in excambium tradita possidendum et quidquid cuilibet parti et suis ex nunc perpetue placuerit quomodolibet faciendum.

Promittentes insuper dictae partes conpermutantes quaelibet ipsarum quantum sua interest pro se et suis praedictis ??palatione solemni per juramenta sua ad sancta Dei evangelia corporaliter praestita, et sub expressa obligatione omnium bonorum suorum mobilium immobilium praesentium et futurorum quorumcumque praemissa et singula rata grata firma et vallida habere perpetue et tenere attendere complere et inviolabiliter observare prout superius scripta sunt nunquam in contrarium per se vel per alium faciendo nec consentiendo pallam vel occulte Quin imo res et bona ut supra permutata una pars alteri et econtra modo et forma praemissis perpetue manu tenere deffendere et legitime guerentire ab omnibus et contra omnes in judicio et extra nec non laudata usagiata et ab omni onere et impedimento debrigata reddere de et a toto tempore praeterito huc usque in diem praesentem suis ipsius cujuslibet partis et suorum propriis missionibus et expensis.

Cum et sub omni et qualibet juris et facti renuntiatione ad haec necessaria et opportuna de quibus praemissis omnibus dictae partes voluerunt et sibi fieri praeceperunt per me praedictum notarium subsignatum duo publica consimilia instrumenta, videlicet cuilibet parti unum.

Actum in burgo Martiniaci domi habitationis mis dicti notarii subsignati, praesentibus ibidem egregio viro Joanne Paris seniore notario patre mis dicti notarii subsignati, ?? viro Petro Jaltherii notario et Anthonio filio quondam honesti viri Joannis Falquer senioris des Rappes parrochiae Martigniaci testibus ad praemissa vocatis atque rogatis, meque Joanne Paris juniore de burgo Martiniaci diocesis Sedunensis auctoritate imperiali notario publico omniumque curiarum reverendissimi domini nostri domini Sedunensis episcopi jurato qui praesens publicum rogatus recepi instrumentum manu aliena fideliter scriptum quo visitato illud inde subsignavi signetoque majori ac nomine meis quibus in talibus utor corroboravi in fidem eorum et verum omnium praemissorum testimonium.

Joannes Paris.