1622, 12 juillet. — Martigny-bourg, in burgo Martigniaci

Claude Chapot des Jeurs, fils de feu Jacquemot Chapot des Jeurs, reconnaît...

B. Copie sur papier. Cf. régeste dans Les Jeurs/Trient 18. Cote ancienne A. C. Sion « C. 5 ». Les Jeurs/Trient 19, p. 2/5-2/9.

Copia

Recognitio sive confessio honnesti Claudii filii quondam Jacquemodi Chappot de Joriis

parrochiae Martigniaci responsoris et ejus consortum inferius nominatorum

In nomine domini nostri Jesu Christi, amen. Anno a Nativitate ejusdem domini sumpto currente millesimo sexcentesimo vigesimo secundo et die duodecima mensis julii, per hoc praesens publicum instrumentum praesentis recognitionis sive confessionis cunctis tam praesentibus quam futuris, evidenter appareat manifestumque fiat quod ad instantiam postulationem et validam requisitionem mei Nicolai Vanneri Monthesli notarii publici commissarii receptoris et renovatoris extentarum sive recognitionum mensae episcopalis Sedunensis, in hac parte per reverendissimum in Christo patrem et dominum dominum Hilteprandum Jodocum episcopum Sedunensem praefectum et comitem patriae Vallesii sacrique romani imperii principem specialiter et expresse deputati et constituti, de praedicta mea commissionis constitutione constante sigillo camerae ejusdem praelibati [p. 2/6] reverendissimi domini Sedunensis episcopi rite sigillata et recepta vero pariterque subsignata manu litterati et prudentis viri Joannis Collombini notarii secretariique praelibati reverendissimi domini Sedunensis episcopi sub anno domini millesimo sexcentesimo vigesimo primo die ultima mensis septembris instantis stipulantis praecipientis hanc praesentem publicam recognitionem sive confessionem vice nomine favore et ad opus praelibati reverendissimi domini Sedunensis episcopi et suorum in dicta sua mensa episcopali Sedunensi successorum quorumcunque et omnium universorum et singulorum aliorum quorum interest intererit aut etiam interesse poterit quomodo libet in futurum,

coramque me jam dicto notario publico et commissario subsignato et testibus inferius nominatis fuit personnaliter constitutus honnestus Claudius filius quondam Jacquemodi Chappot de Joriis parrochiae Martigniaci, qui nullis vi dolo metu fraude nec errore ad haec inductus sed sciens gratis et sponte, ut asserit, motus pro se et suis haeredibus et successoribus universis, confitetur publice per praesentes et in verbo veritatis, palam et manifeste recognoscit ac si esset in judicio et coram suo judiceo ordinario et competente foret personnaliter evocatus et appellatus se esse, velle esse et debere esse seque constituit responsorem et advantarium praesentis feudi et tributorum inferius pro dicto feudo debitorum usque ad novas fiendas recognitiones tantum erga praelibatum reverendissimum dominum Sedunensem episcopum et suos in dicta sua mensa episcopali Sedunensi successores, seque et ejus feudi consortes tenere, velle tenere et debere tenere a praelibato reverendissimo domino Sedunensi episcopo et suis in dicta sua mensa episcopali Sedunensi successoribus in feudum homagii ligii de bonis ultimo recognitis in manibus spectabilis et egregiorum virorum Egidii Jossen alias Bandermater civis Sedunensis et Panthaleonis Mussii Augustensis incolae [p. 2/7] Sedunensis notariorum publicorum et harum extentarum praecedentium commissariorum per honnestum Bartholomaeum filium Petri Gyrard de Joriis,

videlicet unam petiam prati terrae et nemoris cum omnibus grangiis et rascardis intro sitis continentem septem falcatas prati loco alias dicto in Pulchra Combaz noviter vero ou Mollare juxta dominium jurisdictionem domini Campi Muniti ex occidente, torrentem de la Biollaz ex oriente, saxum de la Combaz tendens ad locum vocatum inter duo passiaux in Bella Comba superiori superius, et loz passiour inferius,

quam petiam superius confinatam tenent et possident nempe Claudius filius quondam Jacquemodi Chappot praesentis feudi responsor, Nicolaus filius quondam Claudii Cretton praesens et confitens, Jaquemodus Boson burgensis Martigniaci praesens et confitens, Jacquemodus filius quondam Petri Dupont praesens et confitens, Michael filius quondam Joannis Vullioz praesens et confitens, haeredes Claudii Vullioz pro quibus Claudius filius et cohaeres praesens confitetur et se fortem facit, haeredes Jacquemodi Vullioz et Jacquema eorum mater pro quibus Nicolaus filius et cohaeres praesens confitetur et se fortem facit, Coleta relicta Claudii Cretton pro qua Claudius ejus filius praesens confitetur et se fortem facit, et Jenona uxor Anthonii Allamand filia quondam Petri Vullioz pro qua dictus ejus vir praesens confitetur et se fortem facit.

Et inde pro praemissis bonis rebus feudalibus superius confinatis et recognitis, dictus responsor suo et ejus feudi consortum nominibus debere confitetur praelibato reverendissimo Sedunensi episcopo et suis in dicta sua mensa episcopali Sedunensi successoribus, videlicet duodecim denarios maurisienses servitii annualis anno quolibet termino festi omnium sanctorum perpetue persolvendos et duos solidos ejusdem monetae placiti in mutatione domini et tenentis quando acceperit, et unum caponem redditus annualis termino praedicto solvendum, et unum homagium ligium assuffertatum ad quatuor denarios [p. 2/8] maurisienses ut supra solvendos nomine suffertae duraturae ad beneplacitum domini.

Promittentes insuper tam dictus responsor quam ejus feudi consortes pro se et suis praedictis per juramenta sua super sanctis Dei scripturis in mei notarii publici et commissarii subsignati manibus corporaliter praestita et sub expressa obligatione hypothecatione rerum et bonorum feudalium praeconfinatorum et recognitorum hujusmodi recognitionem caeteraque omnia universa et singula in praesenti recognitione contenta narrata et scripta, rata grata firma et valida habere perpetue et tenere, deffendere, complere et ea omnia prout superius describuntur inviolabiliter ac cum effectu observare, nunquam vero in contrarium facere, dicere, ire, venire, offendere velle per se nec per alium in judicio nec extra aliqua ratione vel causa de jure neque de facto verbo vel opere vel etiam consensu aut aliqualiter quomodo libet in porterum avinymo praenominatus responsor servitium et usagium praedictum cum placito quando acciderit praelibato reverendissimo domino Sedunensi episcopo et suis in dicta sua mensa episcopali Sedunensi successoribus sive ejusdem exactoribus aut recuperatoribus ad haec legitime deputatis anno quolibet termino praestatuto, dicti vero feudi consortes in manibus ejusdem responsoris ratam et partem eorumdem servitii ac placiti praedictorum anno quolibet solvere et realiter expedire in pace et sine lite, nec non dictum feudum praeconfinatum et recognitum iterum et de novo recognoscere specificare confiteri et declarare ad opus et in favorem praelibati reverendissimi domini Sedunensis episcopi et suorum in dicta sua mensa episcopali Sedunensi successoribus toties quoties necessarius fuerit.

Renuntiantes si quidem in hoc facto tam praenominatus responsor quam ejus feudi consortes pro se et suis praedictis ex eorum certa scientia et spontanea voluntate et sub vi juramentorum suorum jam superius praestitorum, omnibus et singulis exceptionibus doli mali vis metus erroris et infactum actioni et conditioni sive etiam causa ob quam causam vel ex injusta causa exceptionique dictarum recognitionum promissionis obligationis renontiationis omnium universorum et singulorum praemissorum non sit non recte nec legitime factorum gestorum seu aliter scriptorum quam actorum et e contra juri dicenti confessionem sive recognitionem extra judicium et non coram suo judice ordinario competente factam minime valituram cum omnibus articulis aliis juribus canonicis et civilibus scriptis et non scriptis quibus mediantibus contra praemissa aut ipsorum aliqua facere dicere ire vel venire possent aut in aliquo se juvare vel ineri et maxime juri dicenti generalem renuntiationem non valere nisi speciali praecedente.

Protestantes denique tam dictus responsor quam ejus feudi consortes [p. 2/9] pro se et suis praedictis in principio, medio et in fine praesentis recognitionis sive confessionis ad sui et suorum praedictorum jurium conservationem vel initionem quod si plus vel minus in praesenti publico recognitionis sive confessionis instrumento recognoverint sive confessi fuerint aut aliquid in eodem erraverint recognoscendo vel confittendo plus vel minus aut aliter quam debuerint, quod ille error ipsis confitentibus neque suis praedictis praejudiciare neque praejudicio esse possit nec valeat, quin dictum errorem refficere corrigere reparare et emendare possint et valeant addendo addenda detrahendo detrahenda tenore praecedentium extentarum sive recognitionum servare servato et sola facti veritate prorsus insecta et servata.

De quibus rebus praemissis omnibus et singulis rebus et bonis superius confinatis recognitis dictus responsor tam suo quam suorum feudi consortum nominibus petivit sibi fieri elargiri et expediri per me notarium publicum et commissarium subsignatum unum tale publicum instrumentum praesentis recognitionis ad opus sui et suorum praedictorum quale fiet ad opus et in favorem praelibati reverendissimi domini Sedunensis episcopi et suorum in dicta mensa episcopali Sedunensi successorum, substantia facti nullo modo mutata, sed semper servata.

Actum in burgo Martigniaci in aedibus magistri Francisci Aubert sartoris burgensis dicti burgi, praesentibus honorabili Joanne Dupont locuntenente Martigniaci, discreto Antonio Ansel dicti loci salthero, et honesto Francisco Joyat Comba parrochiae Martigniaci testibus sumptis ad praemissa audienda vocatis et rogatis.

Commissarius Nicolaus Vannerius notarius.