Achat
(1 février 1526)
(AASM NOT 0/0/2, f. 68r)

Transcription
par Germain Hausmann

Emptio Simonis Frasserem, de
Campo monito

| Registratum est |

Anno Domini M° VC XXVI, indictione XIIII, die siquidem prima februarii, in cura Servani, in mis, notarii, testiumque subscriptorum presentia, fuit personaliter constitutus Petrus Pecloz, parrochie Campi moniti qui, nullis vi etc. sed gratis etc., pro se et suis vendit, cedit venditione perpetua Simoni Fraxerem, ibidem presenti, ementi etc., videlicet quandam peciam terre sitam in territorio Campi moniti, loco dicto Treluchem, juxta terram dicti Simonis emptoris a vento, juxta iter publicum ab oriente, cursum aque du Nant de Treluchem a borea et occidente unacum suis aliis confinibus istis verioribus si qui sint, cum fondis, juribus, etc., ad habendam etc., et hoc precio ditamine duorum proborum hominum fide dignorum, videlicet ditamine Petri de Croto, de Campo monito, et Johannis, filii Reymondi Bellon. Devestiens etc.. Promitens etc. guerentire franche, pure et libere. Presentibus ibidem honesto viro Georgio Gay, mistrali dicti loci Servani, Jacobo Gay et Mermeto Chappellet, testibus, etc., et me, Mauricio Gay, notario, qui etc.

Cet acte se retrouve dans le registre de notaire n° 1, aux f. 35v-36r sous une forme moins concise :

NB. : Les parties originales sont en gras

Vente
(1 février 1526)
(AASM NOT 000 000 001, f. 35v-36r)

Transcription
par Germain Hausmann

Emptio Simonis Frasserem, de
Campo monito

| Grossatum est |

Anno Domini millesimo quingentesimo XXVI, indictione XIIII cum eodem anno sumpta, die siquidem prima mensis februarii, in cura Servani, Sedunensis diocesis, in mis, notarii testiumque subscriptorum presentia, fuit personaliter et specialiter [constitutus] propter infrascripta peragenda Petrus Pecloz, parochie Campi moniti, Gebenensis diocesis, qui quidem nullis vi, dolo neque metu ad hec inductus sed de juribus suis bene et decenter informatus et certificatus, ut asserebat, scienter, gratis et spontanenter pro se et suis heredibus et in posterum successoribus quibuscumque vendit, cedit, tradit, tranfert ac per presentes perpetue tituloque perfecte, simplici et irrevocabili venditione remitit jure proprio Simoni Frasserem, ejusdem parochie et diocesis, ibidem presenti, ementi, stipulanti, pro se et suis heredibus et successoribus universis recipienti vel illi aut illis cui vel quibus idem emptor voluerit dare, vendere aut alienare in testamento vel extra videlicet quandam peciam terre sitam in territorio Campi moniti, loco dicto Treluchem, juxta terram dicti Simonis emptoris a vento, juxta iter publicum ab oriente, juxta cursum aque du Nant de Treluchem a borea et occidente cum suis aliis confinibus istis verioribus si qui sint una, cum fondis, juribus, pertinentibus, appendentibus, ingressibus et egressibus universis et singulis ad habendam, tenendam, gaudendam, perpetue per dictum Simonem et suos possidendam, cultivandam et recolligendam et hoc precio et justi precii nomine XIIII flor. parvi ponderis semel, monete Sabaudie, ut ex relatu dicti Simonis audivi qui mihi notario post presentem venditionem de consensu ipsius Petri venditoris intimare debebat dictum pretium et intimavit quia ipse partes sic fecerunt videlicet quia remiserunt taxam terre prevendite ditamine honestorum virorum Petri de Croto et Johannis, filii Reymondi Belloni ; et taxa sic facta, idem Petrus venditor contulit et dedit plenum posse mihi notario reffere ipsum precium in presentia predictorum testium etc., habitorum et receptorum per eundem sepenominatum Petrum venditorem a prefato Simone emptore in bona pecunia sibi numerando tradita et expedita ; de quibus quidem XIIII flor., monete predicte, idem venditor ipsum emptorem et suos solvit, quitat penitus et liberat cumputo expresso faciendo de numquam plus petendo nec exigendo palam vel occulte in judicio vel extra. Devestiens se dictus Petrus de re prevendita traditione unius calami scriptoris, ut moris, dictumque Simonem investiendo. Promittens insuper dictus Petrus per suum juramentum ad sancta Dei Evvangelia sibi corporaliter prestitum et sub expressa et ypotheca obligatione omnium et singulorum bonorum suorum, mobilium et immobilium, presentium et futurorum quorumcumque premissa omnia ratum, gratum, firmum ac inperpetuum et inviolabiliter valida observare, prout superius scripta sunt, numquam in contrarium facere, dicere, ire vel venire per se neque par alium in judicio nec extra palam vel secrete, sed ymo dictam rem superius venditam eidem emptori et suis predictis pro precio prescripto franche et pure manutenere, defendere et guerentire ab omnibus et contra omnes, in judicio et extra suis ipsius venditoris propriis missionibus et expensis. Renuncians enim jamdictus Petrus per sua certa scencia sub vi sui juramenti sibi jam prestiti omnibus universis juribus, usibus, statutis, privilegiis, consuetudinibus et libertatibus canonicis et civilibus, scriptis et non scriptis quibus contra premissa facere, dicere vel obici posset aut in aliquo se tuheri, potissime juri dicente generalem renunciationem non valere nisi precesserit specialis, etc. Actum, etc,. Presentibus Georgio Gay, Jacobo Gay et Mermeto Chappellet, testibus, etc., meque, Mauricio Gay, etc.

Retour au sommet de la page